Máis que unha biografía ao uso, esta correspondencia ofrece o testemuño dunha vida, e debuxa o retrato máis fondo e próximo que se teña trazado nunca do granadino máis universal.

LORCA INÉDITO.
Máis de 200 documentos (cartas, postais, telegramas, fotografías, debuxos…), moitos deles inéditos, ocultos durante décadas, rescatados por Víctor Fernández para conformar este tesouro biográfico.

FOTOGRAFÍA DUNHA FAMILIA E RETRATO DUNHA ÉPOCA.
“As cartas que aquí se publican, un número importante delas inéditas ata hoxe, axúdanos a fixar a fotografía da familia García Lorca”. Pero é tamén radiografía da cultura e a sociedade do seu tempo, coa tráxica sombra da Guerra Civil.

FEDERICO EN ZAPATILLAS.
O epistolario ofrece un retrato cotián e íntimo do poeta. Lorca como nunca antes o viste; tras o xenio e o duende, Federico.

Federico García Lorca, poeta e dramaturgo estudado en profundidade, é infinito e non é pouco o que aínda ten que contarnos.

Estas cartas permítennos asomarnos á súa intimidade familiar: nelas el é o fillo maior de don Federico e doña Vicenta, o irmán amoroso e protector de Paco, de Concha e Isabelita.

Máis que unha biografía ao uso, esta correspondencia ofrece o testemuño dunha vida, e debuxa o retrato máis fondo e próximo que se teña trazado nunca do granadino máis universal.

Este riquísimo epistolario consegue transmitir a entrañable relación que mantía o poeta co seu entorno familiar, e en especial coa súa nai, doña Vicenta Lorca Romero, quen, lonxe de ser a muller abnegada e silenciosa á sombra do marido primeiro e dos fillos despois, se nos revela como unha muller culta (foi mestra), cun criterio literario agudo e unha sensibilidade excepcional.

O paso do xenio de Fuente Vaqueros pola Residencia de Estudantes, as súas tentativas poéticas e os seus triunfos teatrais, as viaxes transatlánticas e a estadía en Nova York quedan marabillosamente retratados nestas páxinas.

Coidadosamente editada por Víctor Fernández e ilustrada, accedemos a esta peza de ourivaría biográfica clave que nos desvela canto deben a poesía e o xenio de Lorca ao entorno familiar da vega granadina, en especial á voz e o alento dunha nai extraordinaria, Vicenta Lorca Romero.