Gin/Ecoloxía: A metaética do Feminismo Radical (1978) é a obra fundamental de Mary Daly, unha das grandes figuras do Feminismo Radical e dos Estudos da Muller da segunda onda do feminismo. Daly usa a súa formación como filósofa, teóloga e lingüista para convidarnos con este libro a sumergirnos nun Viaxe Metapatriarcal de Exorcismo e Éxtase. A través de tres Pasaxes irá dando ferramentas á lectora para exorcizar os espectros patriarcais, inseridos na súa mente subliminalmente a través do engano, e para acadar o éxtase do encontro con Si Mesma, co seu Fondo e coa rede que conforman as outras Viaxeiras que tamén están neste proceso feminista. No Primeiro Pasaxe analizará os mitos do patriarcado planetario e amosará como se refinaron na tradición xudeo-cristiá, coa inversión dos símbolos ginocéntricos previos e o desmembramento necrófilo da Deusa. No Segundo Pasaxe examinará distintas atrocidades practicadas ao longo da historia en varios continentes distintos, amosando como están conectadas a través do que ela chama o Síndrome Sado-Ritual. No Terceiro Pasaxe falará á lectora das capacidades das mulleres que están dispoñibles tras a toma de conciencia feminista para seguir avanzando ata o noso ser (sendo), o verbo que nos pon en contacto coa nosa Realidade Última fronte aos enganos das definicións e prácticas do sistema androcrático.