¿A túa dieta alimenta a enfermidade ou axúdache a vencela?

Esquece todo o que cres saber sobre o teu corpo e a comida, e descubre a nova ciencia do benestar coa que o corpo se cura a si mesmo. Da man do científico e médico pioneiro, Dr. William Li, aprenderás como e en que cantidades usar os máis de 200 alimentos curativos que poden acabar co cancro, reducir o risco de demencia e vencer ducias de enfermidades evitables.

Neste libro atoparás unha guía daqueles alimentos que xa coñeces e que poderás incorporar facilmente no teu día a día, como o té de xasmín, as ameixas, o aceite de oliva, o queixo Camembert ou a canela.

Un libro práctico e esclarecedor que transformará a maneira na que usamos os alimentos para previr, tratar e reverter enfermidades mediante a activación dos sistemas naturais de defensa do corpo.

Reseñas:
«O Dr. William Li, o meu exalumno en Harvard, é un dos científicos visionarios do noso tempo. O Dr. Li é un pioneiro no campo da angioxénese, un sistema de defensa que xerou novos tratamentos e enfoques preventivos fronte a enfermidades que van desde o cancro ata todo tipo de enfermidades do corazón. Os avances no campo da angioxénese poderían ser a clave para cambiar a vida de moitas persoas. O seu libro contén unha mensaxe importante para o público: a saúde non é a ausencia de enfermidade, senón a presenza de defensas únicas que protexen o noso corpo a través de sistemas e que poden ser apoiados ou destruídos coa nosa dieta e estilo de vida. Agora, máis que nunca, cómpre o libro do Dr. Li para ofrecer á xente o coñecemento e o poder que necesita para protexer a súa propia saúde, ter unha vida mellor e garantir un bo envellecemento.»
Valentín Fuster, M.D., Ph.D. Médico xefe no Hospital Mount Sinai, Editor Xefe do Journal of the American College of Cardiology

«Unha oda a un dos maiores praceres da vida e un libro convincente para quen ten un apetito saudable. Este libro entretéñenche e educarache, devoraralo e logo farate recapacitar. O Dr. William Li ensínanos que subestimamos radicalmente o noso propio poder para transformar e restaurar a nosa saúde.»
Bono

«¡Por fin! Un libro que nos di a verdade sobre o que podemos comer para estar sans, baseado na ciencia real e da man dun verdadeiro experto. Comer para sanar cambiará completamente a forma na que pensas sobre o teu corpo, pero tamén as decisións que tomas cando fas a compra, cociñas para a túa familia ou ceas fóra de casa. Le este libro de principio a fin se desexas estar san e sentirte ben tanto interior como exteriormente. Cando se trata de comida e saúde, ¡estou tan feliz de ter ao Dr. Li ao meu lado!»
Cindy Crawford

«"Somos o que comemos" di o vello cliché, pero sería máis exacto dicir que "somos o que extraemos da nosa comida". Que ocorre se a comida é máis que enerxía ou máis que nutrición e convértese nunha forma de medicina? No seu libro innovador Comer para sanar, o Dr. William Li achega á disciplina da investigación médica clínica unha nova análise da relación entre os alimentos e a saúde. Este libro anuncia unha revolución ao expoñer como os alimentos que comemos determinan a nosa saúde.»
The Edge, U2, Director da Fundación da Angioxénese

«Chegou o momento de que a "saúde" se defina correctamente e de que entendamos claramente como os alimentos afectan á saúde. Comer para sanar cumpre con esta visión de xeito importante e, ademais, respaldándose en ciencia real. Un libro entretido e informativo que fai correr a voz de que gozar dunha boa saúde está ao alcance de todos nós, usando os mesmos alimentos que nos gustan. Entusiasmaranos e inspirará a todos a comer san e vencer á enfermidade.»
Louis J. Ignarro, Premio Nobel de Medicina de 1998